Bu ilin 11 ayı ərzində Ailə, Qadın və Uşaq Problemləri üzrə Dövlət Komitəsinə ümumilikdə 512 müraciət daxil olub.
Bunu Dövlət Komitəsinin mətbuat katibi Teymur Mərdanoğlu bildirb.
Onun sözlərinə görə, müraciət edənlərdən 63 nəfər kişi, 433 nəfəri qadındır: “15 müraciət isə birbaşa uşaqlar tərəfindən ünvanlanıb. Bütün bunlar vətəndaşların Dövlət Komitəsinə olan etimadının və müraciət mexanizmlərinin əlçatanlığının göstəricisidir”.
T.Mərdanoğlu söyləyib ki, daxil olan bütün müraciətlər operativ şəkildə qeydiyyata alınaraq nəzarətə götürülüb, mahiyyətinə uyğun olaraq aidiyyəti dövlət orqanlarına və qurumlarına yönləndirilib: “Hər bir müraciət üzrə ətraflı araşdırmalar aparılıb, mövcud qanunvericiliyin tələblərinə uyğun olaraq müvafiq tədbirlər görülüb.
Dövlət Komitəsi tərəfindən vətəndaş müraciətlərinə həssas və fərdi yanaşma təmin edilib, ailə, qadın və uşaq hüquqlarının qorunması, sosial problemlərin aradan qaldırılması və risk qrupunda olan şəxslərin müdafiəsi prioritet istiqamət kimi diqqətdə saxlanılıb. Bu fəaliyyətlər dövlətin sosial siyasətinin əsas tərkib hissəsi olaraq 2025-ci il ərzində də ardıcıl şəkildə davam etdirilib”.
