Bu gün ölkəmizdə Novruz bayramının ilk çərşənbəsi – Su çərşənbəsi qeyd olunur. Bəziləri ona “sular”, “gözəl”, “əzəl”, “əvvəl” çərşənbəsi də deyirlər.
Hesab olunur ki, Su çərşənbəsində qışdan qalan buzlar əriyir və torpaq da hərəkətə keçir. Qədimdən su təmizliyin və paklığın simvoludur. Bu gün bütün süfrələr su ilə bəzədilir.
Bu çərşənbədə su üstündən atlanmaq, suya diləkləri və dərdləri danışmaq adətdən hesab olunur. “Təzə sudan” keçənlər ötən ildəki xəstəlikləri arxada qoyurlar. Su çərçənbəsi ilə bağlı olan su falları da mövcuddur. İlk tonqal məhz Su çərşənbəsində qalanır.
