Maliyyə dünyasının ən qaranlıq fiqurlarından biri olan Ceffri Epşteynin 2019-cu ildə Nyu-Yorkdakı həbsxanada kamerasında şübhəli ölümü təkcə cavabsız sualları deyil, həm də geniş və mürəkkəb hüquqi labirint miras qoyub.
Lent.az xəbər verir ki, Epşteynin ölümündən cəmi iki gün əvvəl imzalanmış vəsiyyətnaməsinin və əlaqəli maliyyə hesabatlarının sızması onun aktivlərini üzə çıxarıb.
Epşteyn ölümündən sonra bunları qoyub:
1. 56,5 milyon nağd pul.
2. 112,6 milyon dollarlıq səhm.
3. Mərkəzi Parkın qarşısında Manhettendə dəyəri 56 milyon dollarlıq 7 mərtəbəli, 40 otaqlı köşk.
4. Floridada Palm Biçdə 22 milyon dollarlıq 6 yataq otaqlı əsas ev, işçilər üçün yaşayış yeri və hovuz evi.
5. ABŞ-nin Virginiya Adalarında 63.8 milyon dollarlıq Kiçik Sent-Ceyms adası.
6. ABŞ-nin Virginiya Adalarında 22,4 milyon dollarlıq Great Sent-Ceyms adası . Ada əsas yaşayış kompleksi, vertolyot meydançası, hovuzlar, məbədə bənzər bir tikili və işçilər üçün evdən ibarətdir.
7. Meksikada 27 milyon dollarlıq 7500 akr ərazidə Zorro ferması nəhəng bir mülk, 2500 kvadrat metrlik əsas ev, şəxsi vertolyot meydançası və anqar, yanğınsöndürmə stansiyası.
8. Parisdə bir neçə mənzilin birləşməsidən ibarət 800 kvadrat metri əhatə edən 8.6 milyon dollarlıq mənzil.
9. Gulfstream G550 uzaq mənzilli, ultra-lüks biznes təyyarəsi, Gulfstream 4-cü nəsil uzun mənzilli təyyarə, "Boening 727" təyyarəsi.
10. Sikorsky S-76C və Bell 407 vertolyotları.
11. 2018-ci ilin istehsalı olan “MERCEDES-MAYBACH”, 2014-cü ilin istehsalı olan “CADILLAC ESCALADE”, 2007-ci ilin istehsalı olan “RANGE ROVER”, çoxlu sayda “CHEVROLET SUBURBAN”, “BENTLEY”, “FORD F-350” avtomobilləri.
12. Bərə, qayıq və katerlər.
13. müxtəlif ölkələrə aid pasportlar.
14. 180 milyon dollar dəyərində şəxsi kapital investisiyaları və səhmlər
Beləliklə Epşteynin qoyub getdiyi əmlakın ümumi dəyəri təxminən 600 milyon dollar təşkil edir.
