Ötən ilin noyabrında Gəncə-Şəmkir yolunun Göygöldən keçən hissəsində "Mercedes GL" markalı avtomobilin qəzaya uğraması hadisəsi ilə bağlı açılmış cinayət işi üzrə məhkəmə prosesi başa çatıb.
İnsanoid.com xəbər verir ki, İlkin məlumatlarda qəza zamanı avtomobilin 1990-cı il təvəllüdlü Əhliman Ramiz oğlu Abdi tərəfindən idarə edilməsi bildirilsə də, bu, təsdiqini tapmayıb.
Hadisə vaxtı Əhliman tanışı, hərbi hissədən 5 günlük məzuniyyətə buraxılmış 2007-ci il təvəllüdlü Hikmət Vəlizadə və digər tanışları ilə birgə Gəncədəki "Karizma" restoranında yeyib-içiblər. Bu zaman onlar digər restoranda işləyən qızları məclisə dəvət ediblər və birgə spirtli içki qəbul ediblər.
Gecə saat 2 radələrində restorandan çıxan Əhliman sərxoş olduğuna görə sükan arxasına G.Kərimovanın keçməsini istəyib, özü isə ön sərnişin oturacağında əyləşib. Hikmətlə digər qız isə arxada oturub. Onlarla birgə məclisdə iştirak edən şəxslərdən bir neçəsi şərti adı Leyla olan qadının sürdüyü "Chevrolet Equinox" markalı avtomobilə, digərləri isə 3-cü avtomobilə əyləşiblər. Yolda sükan arxasında olan qızlar ötüşməyə başlayıblar və idarəetmədən çıxan avtomobil divara çırpılıb. Nəticədə Əhlimanla Hikmət həlak olublar.
Məhkəmədə bildirilib ki, 21 yaşlı G.Kərimovanın 2023-cü il təvəllüdlü bir övladı var.
Bundan əlavə onun sürücülük hüququnun olmaması da müəyyən edilib.
Gəncə Ağır Məhkəməsinin hökmü ilə ona 7 il 6 ay həbs cəzası verilib və məhkəmə zalındaca həbs edilib.
Mənbə: Qafqazinfo
