Abşeron rayonu, Xırdalan şəhərində yerləşən AAAF Park Yaşayış Kompleksində antisanitariyanın hökm sürdüyü bildirilir. Bu barədə Şikayət TV xəbər verir.
Sakinlərin sözlərinə görə, ərazidə məişət tullantıları vaxtında daşınmır, zibil konteynerləri uzun müddət boşaldılmadığı üçün ətrafda kəskin qoxu yaranır və bu hal həm sağlamlıq, həm də yaşayış mühiti baxımından ciddi narahatlıq doğurur.
Sakinlər iddia edirlər ki, dəfələrlə məsul qurumlara müraciət etsələr də, problemlə bağlı effektiv tədbir görülməyib. Onların sözlərinə görə, edilən şikayətlərə baxılmır və antisanitariya vəziyyəti günü-gündən daha da pisləşir.
