Amerikalı aktrisa Heyden Panettyer 36 yaşında vəfat edib.
Bu barədə "The Hollywood Reporter" nəşri aktrisanın atası Skip Panettyerə istinadən yazır.
"O, inanılamaz dərəcədə bir işıq və onu tanıyan hər kəsə hədsiz sevgi və sevinc bəxş edən təbiət qüvvəsi idi", — deyə aktrisanın atasının bəyanatında bildirilir. Onun ölüm şəraiti məlum deyil. Panettyerin nümayəndəsi araşdırma aparıldığını bildirib.
Aktrisaya məşhurluğu 2006-2010-cu illərdə nümayiş olunan "Qəhrəmanlar" (Heroes) serialındakı Kler Bennet rolu gətirib. Panettyer həmçinin "Neşvill" (Nashville) serialında Culiyetta Barns və "Qışqırıq 4" (Scream) ilə "Qışqırıq 6" filmlərində Kirbi Rid rollarını canlandırıb.
"Neşvill"dəki roluna görə o, "Qızıl Qlobus" mükafatına namizəd göstərilib.
Panettyer uzun müddət ukraynalı boksçu Vladimir Kliçko ilə münasibətdə olub. 2014-cü ildə onların Kaya adlı qızı dünyaya gəlib. Valideynlər ayrıldıqdan sonra qız atası ilə yaşamağa davam edib.
2026-cı ilin may ayında Panettyer kino sənayesindəki uşaqlığından, asılılıqla və doğuşdan sonrakı depressiya ilə mübarizəsindən bəhs edən xatirələr kitabını nəşr etdirib.
