Almaniyalı fitnes blogeri 25 yaşlı Edda Eliza Pilts (Edda Elisa Pilz) "Lufthansa" aviaşirkətini sosial şəbəkələrdə tənqid edib.
İnsanoid.com xəbər verir ki, o bildirib ki, geyimi "həddindən artıq açıq" hesab edildiyi üçün təyyarəyə minməsinə əvvəlcə icazə verilməyib.
Blogerin sözlərinə görə, əməkdaş onun geyimini uyğun saymayaraq gödəkçə geyinməsini tələb edib. Edda geyim qaydalarının mövcudluğuna etiraz etmədiyini, lakin əməkdaşın kobud danışıq tərzindən narazı qaldığını bildirib və rəsmi qaydaların göstərilməsini istəyib.
"Lufthansa" isə açıqlamasında iddia olunan kobud ifadələrin korporativ standartlara uyğun olmadığını bildirib. Şirkət əlavə edib ki, heyət daxili qaydalara əsasən qərar vermək səlahiyyətinə malikdir və sərnişinlər ictimai səfərə uyğun geyimdə olmalıdırlar.
Nəticədə, bloger gödəkçəsini geyindikdən sonra təyyarəyə buraxılıb.
