Azərbaycanda casusluqda ittiham olunan İran vətəndaşı həbs olunub. Bu haqda bu gün, 10 oktyabr tarixində İnsanoid APA-ya istinadən xəbər verir.
İran İslam Respublikasının 48 yaşlı vətəndaşı Astan Babək Süleyman Bakı Ağır Cinayətlər Məhkəməsinin qərarı ilə 12 il müddətinə azadlıqdan məhrum edilib. Cəzasını çəkib bitirdikdən sonra o, ölkəni məcburi tərk etməlidir.
Astan Babək İrandan Azərbaycana ali təhsil almaq üçün gələn tələbələrə bələdçilik adı ilə ölkəyə gəlib-gedirmiş. O, Bakıda hərbi obyektlərin şəklini çəkərək İran tərəfinə yollayırmış. Astan Babək Təbrizdəndir, milliyyətcə azərbaycanlıdır, ixtisasca həkim və hüquqşünasdır.
