Rusiya Federasiyasının Prezidenti Vladimir Putin Azərbaycandan olan həkimi təltif edib. Bu haqda bu gün, 5 yanvar tarixində İnsanoid Modern.az-a istinadən xəbər verir.
Belə ki, Moskvanın N.V.Sklifosovski adına Elmi-Tədqiqat Təcili Tibbi Yardım İnstitutunun (ETİ) şöbə müdiri Ruslan Bayramov "Təşəkkürnamə" ilə təltif olunub.
Ruslan Bayramov həkim ailəsində dünyaya göz açıb. Onun babası Əmir Bayramov Gürcüstanın azərbaycanlıların yaşadığı Kvemo-Kartli diyarının Marneuli rayonunun Qaçağan kəndində anadan olub. Əlli ilə yaxın Moskvadakı N.V.Sklifosovski adına Təcili Tibbi Yardım ETİ-də cərrah kimi çalışıb. Sonralar onu oğlu Şamil Bayramov əvəz edib. O da həmin institutda 30 il xəstələrə xidmət göstərib.
