Britaniyalı səyyah Ceyms Ketçell Yer kürəsi ətrafında səyahətini tamamlayaraq, planetin ətrafını üç fərqli üsulla — hava, quru və dəniz yolu ilə dövr edən ilk insan kimi tarixə düşüb.
Bu barədə "The Telegraph" qəzeti məlumat yayıb.
Nəşrin yazdığına görə, o, quru mərhələsini 2013-cü ildə velosipedlə təxminən 29 000 kilometr məsafə qət edərək tamamlayıb. Hava mərhələsi isə 2019-cu ildə başa çatıb: Ketçell avtojirlə (gitoplan) 175 gün ərzində 122 uçuş həyata keçirərək təxminən 48 280 kilometr məsafə qət edib və dünya turunu başa vurub.
Dəniz mərhələsi isə bu epik səyahətin son nöqtəsi olub. Səyyah 2025–2026-cı illərdə "Mindset" yaxtası ilə təxminən 30 000 dəniz mili (təxminən 55 000 kilometr) məsafə qət edib. Səfər 27 iyul 2025-ci ildə Qosportdan başlayıb və 13 iyun 2026-cı ildə Böyük Britaniyada başa çatıb.
