Bu gün Bakı Ağır Cinayətlər Məhkəməsində hakim Elmin Rüstəmovun sədrliyi ilə dələduzluğa cəhddə təqsirləndirilən Nahid Şəmşirovun cinayət işi üzrə hökm oxunub.
Məhkəmə tərkibi təqsirləndirilən Nahid Şəmşirovun 6 il müddətinə azadlıqdan məhrum edilməsini elan edib.
Onun cəzası 2 il sınaq müddəti seçilməklə şərti hesab olunub.
Qeyd edək ki, dövlət ittihamçısı Nahid Şəmşirovun 5 il, 6 ay müddətinə azadlıqdan məhrum edilməsini təklif etmişdi.
Xatırladaq ki, Nahid Şəmşirov Cinayət Məcəlləsinin 29, 178.2.1; 29, 178.2.2; 29,178.2.4; 178.3.2, 310-cu maddələri ilə təqsirli bilinir.
Nahid Şəmşirov keçmiş deputat, "Azərbaycan Dəmir Yolları" Qapalı Səhmdar Cəmiyyətinin sabiq sədri, hazırda isə rəqəmsal inkişaf və nəqliyyat nazirinin müavini postunu tutan Cavid Qurbanovun əmisi oğludur.
Mənbə: lent.az
