Rusiyalı repçi Ciqan Moskva ətrafındakı "Şato Soveren" qəsəbəsində yerləşən evində xidmətçilərə və mühafizəçilərə qarşı silahlı hücum edib.
"Mash"ın məlumatına görə, hadisə iyulun 3-dən 4-nə keçən gecə baş verib. Ciqan "Sayqa-9" karabini ilə silahlanaraq evdəki personalı təxminən 10 saat girov saxlayıb.
İddiaya görə, reper əməkdaşlarını xəyanətdə və ona qarşı sui-qəsd hazırlamaqda ittiham edib. O, mühafizəçilərdən birinə atəş açaraq onun qolundan və ayağından yaralanmasına səbəb olub. Digər əməkdaşlara da atəş açıldığı bildirilir.
Hadisə zamanı evdə olan uşaqlar dolabda gizlənərək anaları Oksana Samoylovaya xəbər veriblər.
Polis, mühafizə əməkdaşları və Ciqanın dostlarının səyi nəticəsində reper zərərsizləşdirilib. Hadisədən sonra onun İsraildəki reabilitasiya mərkəzlərindən birinə məcburi qaydada göndərildiyi bildirilir.
Milandan təcili Moskvaya qayıdan Oksana Samoylova isə uşaqları götürərək təhlükəsizlik tədbirlərini gücləndirib.
