Dünya şöhrətli aktyor və döyüş sənəti ustası Ceki Çan (Jackie Chan) "Tanrının yaraqları 4: Ultimatum" (Armour of God 4: Ultimatum) filminin çəkiliş məkanlarını seçmək və çəkilişlərə başlamaq üçün 10 günlük müddətə Bakıya gəlib.
İnsanoid.com xəbər verir ki, filmin bir sıra səhnələri İçərişəhər, Dağüstü park, Bakı Funikulyoru, Yaşıl Teatr, Fəvvarələr meydanı və paytaxtın mərkəzi küçələrində lentə alınacaq. Çəkilişlərdən əvvəl yaradıcı heyət Qazaxıstanda işləyib, daha sonra isə işlərini Azərbaycanda davam etdirəcək.
Qeyd edək ki, filmin premyerası 2027-ci ildə olacaq.
