Beynəlxalq Futbol Federasiyası (FİFA) Argentina millisinin yarımmüdafiəçisi Leandro Paredesin İspaniya ilə Dünya Çempionatının final matçında (0:1) dava etdiyinə görə oyundan kənarlaşdırılması qərarını ləğv edib. Futbolçuya qarşı heç bir intizam tədbiri tətbiq olunmayacaq.
Bu barədə "BBC Sport"un jurnalisti Deyl Conson "X" sosial şəbəkəsində məlumat verib.
Xatırladaq ki, Argentina və İspaniya arasında keçirilən matçın final fitindən sonra meydanda əlbəyaxa dava düşüb. Argentinalı müdafiəçi Nauel Molina yanından qaçan İspaniya millisinin kapitanı Rodriyə əli ilə sinəsindən zərbə endirib. Onların arasında başlayan mübahisəyə digər futbolçular, o cümlədən argentinalı yarımmüdafiəçi Leandro Paredes də qoşulub.
Yarımmüdafiəçi əvvəlcə təcavüzkar şəkildə ispan müdafiəçi Erik Qarsiyanın boğazından tutub, daha sonra isə komanda yoldaşının tərəfini saxlamağa çalışan yarımmüdafiəçi Qaviyə hücum edib.
