Omanlı Hamam əl-Hamami İsraildə eniş icazəsini gözlədikdən sonra təyyarəni aeroportun terminalına yönəltməyi planlaşdırıb.
Bu barədə dindirilmə məlumatlarına istinadən 12-ci kanal xəbər verir.
İstintaqın məlumatına görə, əl-Hamami hücuma bir neçə ay hazırlaşıb. İyun ayında reyslərdən biri zamanı aeroportda məlumat toplayıb, daha əvvəl isə Təl-Əvivə olan reysi seçməyə cəhd edib. O, müstəntiqlərə arzusunun "Ben-Quriona çırpılmaq" olduğunu bildirib.
Kapitan Smit Maçxar ağır yaralanmasına baxmayaraq kabinənin qapısını açdıqdan sonra hücumun qarşısını almaq mümkün olub. Sərnişinlər və digər pilotlar içəri daxil olaraq hücum edəni zərərsizləşdirə biliblər.
Kapitanın və sərnişinlərin fədakarlığı yüzlərlə qurbanı ola biləcək böyük faciənin qarşısını almağa kömək edib.
Əvvəllər əl-Hamami radikal baxışlarına görə dövlətə məxsus "Oman Air" aviaşirkətində uçuşlardan uzaqlaşdırılıb. Lakin "The Wall Street Journal" yazır ki, "FlyDubai" aviaşirkəti bu barədə xəbərdar edilməyib.
İsrailin Baş naziri "FlyDubai" reysindəki insidentdən sonra İsrailə həyata keçirilən xarici aviadaşımaların təhlükəsizliyinin hərtərəfli yoxlanılması barədə tapşırıq verib.
