Fransada iyul ayında Tarn, Kot-d'Or və Aşağı Reyn departamentlərində yerləşən muzeylərdə üç iri oğurluq hadisəsi baş verib.
Le Parisien qəzetinin m'lumat;na görə, oğurlanan eksponatların ümumi dəyəri milyonlarla avro təşkil edir.
Nəşrin məlumatına əsasən, iyulun 1-də Tarn departamentində yerləşən Montan Arxeologiya Mərkəzindən 15 dəqiqədən az müddətdə eramızdan əvvəl 50-ci ilə aid təxminən 40 sikkə oğurlanıb. Dəymiş zərər 120 min avronu ötüb.
Dörd gün sonra isə cinayətkarlar Vingen-sür-Moder kommunasında yerləşən Lalique Muzeyindən 27 ədəd zinət əşyası oğurlayıblar. Bunun üçün onlar altı vitrini sındırıblar. Dəymiş zərər 4,5 milyon avronu keçib.
İyulun 24-də daha bir oğurluq hadisəsi baş verib. Şatiyon-sür-Sen kommunasındakı muzeydən eramızdan əvvəl V əsrə aid, əvəzsiz hesab edilən "Viks xanımı" qızıl boyun bəzəyi oğurlanıb. Qəzetin məlumatına görə, şübhəlilərdən biri artıq saxlanılıb.
