Gecə saatlarında İsrail Hərbi Hava Qüvvələri İran ərazisinə genişmiqyaslı hava zərbələri endirib.
İnsanoid.com xəbər verir ki, İsrail ordusunun açıqlamasında bildirilib ki, hücumlar İranın müxtəlif bölgələrində yerləşən nüvə obyektlərini hədəf alıb. Ümumilikdə 100-dən çox hava zərbəsi həyata keçirilib.
Zərbələr nəticəsində bir sıra yüksək rütbəli İran rəsmilərinin və nüvə alimlərinin həlak olduğu bildirilir. Bunların arasında: Baş Qərargah rəisi Məhəmməd Baqiri, SEPAH komandiri Hüseyn Salami, SEPAH Aerokosmik Qüvvələrinin rəhbəri Əmir Əli Hacızadə, Atom Enerjisi Təşkilatının sabiq rəhbəri Fereydun Abbasi, “Xatəmül-Ənbiya” Mərkəzi Qərargahının komandanı general Qulam Əli Rəşid, Nüvə fizikası üzrə mütəxəssis Məhəmməd Mehdi Tehranci, Ali Rəhbər Ayətullah Xameneinin müşaviri Əli Şamxani də var.
İlk məlumatlara görə, azı 50 nəfər yaralanıb. İran Silahlı Qüvvələrinin sözçüsü İsrailə qəti cavab veriləcəyini bəyan edib. Artıq İranın İsrailə qarşı 100-ə yaxın pilotsuz uçuş aparatı – PUA göndərdiyi və onların 7-9 saat ərzində hədəfə çatacağı bildirilib.
Baş verənlər bir sıra beynəlxalq reysləri Bakıya yönləndirilib. Heydər Əliyev Beynəlxalq Aeroportu sərnişinlərin təhlükəsiz şəkildə qəbulunu təmin edib.
Qeyd edək ki, AZAL Yaxın Şərqdəki gərginlik səbəbi ilə 13 və 14 iyun tarixlərindəki Bakı – Təl-Əviv – Bakı, Bakı – Dubay – Bakı, Bakı – Tehran – Bakı reyslərini ləğv edib.
