Yayılan məlumatlara görə, Nyu-Delidə keçirilən BRİKS sammiti zamanı ÇXR sədri Si Cinpinin huşunu itirdiyi və bundan sonra ona tibbi yardımın göstərildiyi iddia edilir. Bununla əlaqədar Çin lideri səfərini vaxtından əvvəl başa vuraraq xüsusi təyyarə ilə Çinə qayıdıb.
Bu barədə Çin Demokratik Partiyasının sədri Se Vantszyun özünün "X" sosial şəbəkə hesabında yazıb.
O bildirib ki, Pekinə gəldikdən sonra Si Cinpin 301 nömrəli Pekin xəstəxanasına aparılıb.
Yayılan məlumatlarda həkimlərin ona ağır işemik insult diaqnozu qoyduğu iddia olunur.
"Si Cinpin Hindistan tərəfinin onun səhhəti haqqında məlumat əldə edəcəyindən ehtiyatlandığı üçün Hindistan xəstəxanasında təcili müalicədən imtina edib və müalicə olunmaq üçün xüsusi təyyarə ilə Pekinə qayıtmağa qərar verib. Uçuş zamanı əməliyyat aparmaq imkanı olmadığı üçün tibbi heyətin yalnız konservativ müalicə apararaq onun həyati funksiyalarını saxla bildiyi iddia olunur. Nəticədə Si Cinpin təcili yardım və cərrahi müdaxilə üçün qiymətli vaxtı itirib. 301 nömrəli Pekin xəstəxanasında əməliyyat vasitəsilə müalicəsi mümkün olsa belə, onda ciddi fəsadların qalma ehtimalı yüksəkdir.
Hazırda Pekin hakimiyyətinin Si Cinpinin ABŞ-yə nəzərdə tutulan səfərinə qədər bərpa oluna biləcəyini hələ təsdiqləyə bilmədiyi iddia edilir. Bu səbəbdən, Pekin rəhbərliyi hələlik proseslərin inkişafını gözləyir və sentyabrın sonuna planlaşdırılan ABŞ səfərinin ləğv edilməsinə ehtiyac olub-olmadığına qərar verir", — deyə Se Vantszyun qeyd edib.
Daha əvvəl Si Cinpinin sentyabrın sonunda ABŞ prezidenti Donald Tramp ilə görüşünün planlaşdırıldığı bildirilirdi.
