Kral III Çarlz, Bill Klinton və Henri Kissincer kimi şəxslərə tərcüməçilik xidməti göstərdiyi bildirilən italyan dilçi Milandakı mənzilində döyülərək öldürülmüş vəziyyətdə tapılıb.
"The Telegraph" qəzeti məlumat verir ki, homoseksual olan 60 yaşlı Roberto Querrinonun tanışlıq tətbiqi vasitəsilə tanış olduğu bir kişi tərəfindən öldürüldüyü ehtimal edilir. Məlumata görə, o, həftəsonu Milandakı mənzilində cansız halda tapılarkən əynində qadın paltarı olub.
İtaliya mediasının hesabatlarına əsasən, onun geyiminə büstqalter (bustye), tor corablar və hündürdaban ayaqqabılar daxil idi. Querrino baş və üz nahiyəsindən ağır xəsarətlər alıb. Bu xəsarətlərin onun buddizmi qəbul etdikdən sonra topladığı daş Budda heykəllərindən biri ilə yetirildiyi güman edilir. Heykəllərdən ən azı biri yerdə, qan ləkələri içində tapılıb.
Qeyd olunub ki, Querrino peşəkar tərcüməçi və Beynəlxalq Konfrans Tərcüməçiləri Assosiasiyasının üzvü idi.
