Məşhur vəkil Elman Paşayevin oğlu "qara rieltorlar" (daşınmaz əmlak fırıldaqçıları) işi üzrə həbs edilib.
"Mash" teleqram kanalının yaydığı məlumata görə, 26 yaşlı Elvin Paşayev xüsusilə külli miqdarda dələduzluq ittihamı ilə fevral ayından bəri istintaq təcridxanasında (SİZO) saxlanılır.
Bununla yanaşı, məhkəmə sənədlərindən məlum olur ki, cinayət işi ilkin olaraq hələ 2025-ci ilin payızında açılıb. İşin qaldırılmasına səbəb Moskvadakı mənzillərdən birinin sahibinin müəmmalı şəkildə yoxa çıxmasından sonra qətl maddəsi ilə araşdırmanın başlanması olub. Həmin mənzil hələ saxlanılmasından əvvəl Elvinin atası Elman Paşayevə keçibmiş. Sonradan mənzil sahibinin cəsədi tapılıb.
İstintaqın versiyasına görə, sözügedən mənzilin sonradan Elman Paşayevlə əlaqəsi üzə çıxıb. Belə ki, E. Paşayev hələ 2024-cü ildə xüsusi hərbi əməliyyat (XHƏ) zonasında olarkən, mənzili hərbçilərdən birinin adına rəsmiləşdirmək barədə razılığa gəlib. Özü həbs olunduqdan sonra isə həmin hərbçini əmlakı oğlu Elvinə ötürməyə razı salıb.
Nəticədə Elvin Paşayev daşınmaz əmlakla bağlı mümkün fırıldaqçılıq araşdırmasının mərkəzində tapılsa da, hazırda ona qarşı yalnız dələduzluq maddəsi ilə ittiham irəli sürülüb.
Elman Paşayevin özü isə hazırda Donetsk şəhərində başqa bir iş üzrə mühakimə olunur. O, səs-küylü cinayət işlərinin gedişatına təsir göstərmək vədiylə milyonlarla rubl almaqda ittiham edilir.
