İrandan Azərbaycana 40 kq-a yaxın narkotik keçirilməsinin qarşısı alınıb. Bu barədə 6 oktyabr tarixində Dövlət Sərhəd Xidməti məlumat verib.
Bu gün saat 00:23-də Sərhəd Qoşunlarının “Göytəpə” sərhəd dəstəsinin Biləsuvar rayonu Səmədabad kəndi yaxınlığında yerləşən sərhəd zastavasının xidməti ərazisində külli miqdarda narkotik vasitənin qaçaqmalçılıq yolu ilə İran İslam Respublikasından Azərbaycan Respublikasına keçirilməsinin qarşısı alınıb.
Əməliyyat tədbirləri nəticəsində aşkarlanan 39 kiloqram 658 qram narkotik vasitə və 700 ədəd metadon M-40 psixotrop tərkibli həb müsadirə edilib.
