Paraqvay milli komandasının qapıçısı Orlando Hil yeni doğulmuş oğlunun həyatı üçün mübarizə aparırdı və ailəsini dolandıra bilmirdi.
İnsanoid.com xəbər verir ki, bir neçə il əvvəl qapıçı ağır sınaqlardan keçib. Onun oğlu Lautaro vaxtından əvvəl — bir ay tez və xəstə doğulmuşdu.
Hil "San-Lorenso"nun gənclər komandasında çıxış edirdi və xərcləri qarşılaya bilmirdi: xəstəxana hesabları, kommunal ödənişlər, benzin, ərzaq...
😔 Ailəsini dolandırmaq və uşağı sağaltmaq üçün Orlando əlinə keçən hər şeyi satırdı: formaları, digər geyimləri, butsıları — hətta xüsusi qürur duyduğu Paraqvayın U20 yığmasının formasından da ayrılmalı oldu.
💔 "Lauti doğulanda heç nəyimiz yox idi, Orlando isə klubun verdiyi idman geyimlərini satırdı. Oğlumuz həyat uğrunda mübarizə aparırdı, atası isə hər şeyini satdı", — deyə Hilin həyat yoldaşı xatırlayır.
Amma qaranlıq günlər geridə qaldı. Orlando əsas milliyə qədər yüksəldi, DÇ-nin seçmə mərhələsində komandanın bir nömrəsinə çevrildi. O, Almaniya üzərində sensasiyalı qələbə və matçın ən yaxşı oyunçusu adını qazandı.
İndi Hil zirvədədir. Oğlunun da vəziyyəti tamamilə yaxşıdır.
