Hadisə Nyu-Cersi ştatındakı Fort-Diks federal həbsxanasında baş verib. Musiqiçi burada fahişəliyə cəlb etmə ilə bağlı ittihamlar üzrə cəza çəkir.
"TMZ"nin məlumatına görə, münaqişə məhkumlardan birinin Diddini təhqir etməsi səbəbindən yaşanıb. Deyilənlərə göz yummaq əvəzinə repçi cavab verib. Söz davası sonradan əlbəyaxa davaya çevrilib.
Görünür, həbsxana heyəti tez bir zamanda müdaxilə edərək məhkumları ayırıb. Bildirilir ki, hadisədən dərhal sonra Diddi təkadamlıq kameraya salınıb. Onun hələ də orada qalıb-qalmadığı hazırda məlum deyil. İndi repçini əlavə intizam cəzaları gözləyə bilər, lakin bu insidentin onun həbs müddətinə təsir edib-etməyəcəyi hələ ki aydın deyil.
Diddy 2025-ci ilin oktyabr ayından bəri Fort Dix Federal Həbsxanasında 50 aylıq həbs cəzası çəkir. Bura gəldikdən sonra repçi ümumi bloka deyil, narkotik asılılığından müalicə proqramında iştirak edən məhkumlar üçün nəzərdə tutulmuş xüsusi şöbəyə yerləşdirilib.
