Tayvan Prezidenti Lay Çinde ada sakinlərinin hər birinə 10 min Tayvan dolları (17 avqust məzənnəsi ilə təxminən 314 ABŞ dolları) verilməsinin planlaşdırıldığını elan edib. Lay Çinde "Facebook" səhifəsində bildirib ki, müvafiq təşəbbüsə avqustun 20-sinə planlaşdırılan gələn ilin büdcə müzakirələri zamanı baxılacaq.
İnsanoid.com xarici KİV-ə istinadən xəbər verir ki, Tayvan süni intellekt modellərinin bumu fonunda tələbatı kəskin artan çiplərin aparıcı istehsalçısıdır. "Bloomberg"in yazdığına görə, 2026-cı ilin ikinci rübündə Tayvan iqtisadiyyatı 12,6% böyüyüb və ilin yekunlarına görə son 40 ildə rekord göstərici olan 11,1%-lik artım nümayiş etdirəcəyi gözlənilir. Əsas artım yarımkeçiricilər istehsalı sənayesinin payına düşür və bu, Tayvan iqtisadiyyatının bütün sahələrinə eyni dərəcədə şamil olunmur.
"Hökumət diqqətini yalnız texnologiya sahəsinə yönəltməyəcək, həm də dolanışıq üçün çalışan hər bir ailənin qayğısına qalacaq", — deyə "Bloomberg" Lay Çindenin bəyanatından sitat gətirir.
2025-ci ildə adanın iqtisadiyyatı 8,8% böyüyəndə Tayvan hakimiyyəti artıq sakinlərə 10 min Tayvan dolları məbləğində birdəfəlik ödəniş edib.
Tayvanda ümumilikdə təxminən 23 milyon insan yaşayır. Onlardan neçə nəfərin birdəfəlik ödəniş almaq hüququna malik olacağı hələlik dəqiqləşdirilməyib.
