29 sentyabr 2020-ci il tarixi 44 günlük Vətən müharibəsinin üçüncü günüdür. Azərbaycan əsgərinin torpaqlarımızın azadlığı uğrunda savaşı bütün cəbhəboyu davam edib.
6 il əvvəl bu gün – 29 sentyabr tarixində səhər saatlarında cəbhənin Füzuli-Cəbrayıl istiqamətində yerdəyişmə etmək istəyən düşmənin 1 tankı, 1 avtomobil texnikası və 10 nəfərədək şəxsi heyəti artilleriya zərbəsi ilə məhv edilib. Saat 07.00-08.00 radələrində cəbhənin Füzuli-Cəbrayıl istiqamətində Ermənistan qoşunlarının daha dörd tankı vurulub. Düşmənin Xocavənd rayonu ərazisində yerləşdirdiyi 3-cü "Martuni" motoatıcı alayı darmadağın edilib.
Düşmən bir daha dinc əhalini atəşə tutub. Baş Prokurorluğun məlumatına görə, həmin vaxt 12 mülki şəxs həlak olub, 35 nəfər isə xəsarət alıb.
