Vergi Məcəlləsinə edilən dəyişikliklərə əsasən, bir sıra peşə sahibləri üçün sabit vergi dərəcələri artırılacaq.
FED.az xəbər verir ki, dəyişikliklər toy, şənlik və tədbirlərdə aparıcılıq, çalğıçılıq, rəqqaslıq, aşıqlıq, məzhəkəçilik (klounluq) və bu kimi fəaliyyətlə məşğul olan şəxsləri, həmçinin foto, video, bərbər, dərzi, pinəçi, ev qulluqçusu, dayə, fərdi sürücü, bağban, aşpaz, gözətçi, ofisiant və digər xidmət sahələrində çalışanları əhatə edir.
🔹 Aparıcılar, musiqiçilər, rəqqaslar, aşıqlar və klounlar üçün sabit vergi minimum aylıq əməkhaqqının 5 faizindən (20 manat) 8 faizə (32 manat) qaldırılır.
🔹 Fərdi foto, audio-video xidmətləri sahəsində fəaliyyət göstərənlər üçün də vergi 20 manatdan 32 manata yüksələcək.
🔹 Bərbər, dərzi, pinəçi, çəkməçi, məişət texnikası ustaları, ev qulluqçuları, dayələr, bağbanlar, sürücülər, aşpazlar, ofisiantlar və fərdi baytarlar üçün sabit vergi 12 manatdan 20 manata qaldırılır.
Qeyd edək ki, fərdi baytarlar gələn ildən etibarən ilk dəfə aylıq 20 manat sabit vergi ödəyəcəklər.
