Ölkənin tanınmış blogerləri internetdə geniş vüsət alan qaralama və onlayn təzyiq hallarına reaksiya veriblər.
İnsanoid.com-un məlumatına görə, onlar qeyd edirlər ki, rəqəmsal mühitdə kimisə hədəfə almaq bu gün son dərəcə asandır: məlumatlar sürətlə yayılır, auditoriya isə çox vaxt sensasiya naminə faktların yoxlanılmasını arxa plana keçirir.
Xüsusilə vurğulanıb ki, bu cür informasiya hücumlarının qurbanına daha çox qadınlar çevrilir. Həmçinin, bloqerlər Alyona Əliyevaya qarşı aparılan qaralama kampaniyasına da toxunaraq ona dəstək olduqlarını ifadə ediblər. Blogerlər Alyona xanımın xeyirxah fəaliyyətinin cəmiyyət üçün faydalı olduğunu qeyd ediblər, xüsusilə uşaqlara göstərdiyi qayğı baxımından.
Sözügedən mövzu ilə bağlı paylaşımları Asya Aslanova, Aynur Babaxanova, Həcər Heydari, Sabi Orujova, Aysel Nəsirova, Mesi Rekhman, Leyla Nəsirli, Javid Bayramlı, Pərviz Hüseynli və digər tanınmış blogerlər edib.
Qeyd edək ki, bundan əvvəl Ukraynanın tanınmış jurnalisti və teleaparıcısı Katerina Solyar da Alyona Əliyevaya qarşı aparılan qaralama kampaniyası ilə bağlı paylaşım etmişdir. O bildirib ki, Odessada onun Alyona xanım ilə ortaq tanışları var və həmin şəxslər internetdə səsləndirilən mənfi iddiaların əsassız və yalan olduğunu qeyd ediblər.
Eyni zamanda Ukraynanın digər jurnalisti Tatyana Qonçarova da bu mövzuya münasibət bildirib: “Alyonanın qaranlıq keçmişi yoxdur. O, yüksək təhsilə malikdir, Odessadakı ali məktəbi bitirib və iki övladı var”.
