Uşaqlar arasında populyar olan “Roblox” platforması barədə yeni araşdırma ciddi narahatlıq doğurub. COVID dövründə sürətlə yayılan oyun artıq adi əyləncə yox, milyonlarla istifadəçinin öz oyunlarını yaratdığı geniş metaverse kimi təqdim olunur.
İnsanoid.com mütəxəssislərə istinadən bildirir ki, platformada yaradıcı imkanlarla yanaşı, nəzarətsizlik, zorakılıq ssenariləri və psixoloji travma riski də artır.
Araşdırmalara görə, bir neçə real cinayətin ssenarisi əvvəlcədən “Roblox”da sınaqdan keçirilib. Məsələn, ötən ay Rusiyanın Sankt-Peterburq şəhərində 13 yaşlı qız anasını telefona görə qətlə yetirib. Yeniyetmə anasını öldürməzdən əvvəl həmin prosesi oyunda “təcrübədən keçirib”.
Araşdırma həmçinin uşaqların cinsi istismara məruz qalması ilə bağlı faktları üzə çıxarıb.
2018–2024-cü illər arasında ABŞ-də onlarla şəxs “Roblox” vasitəsilə tanış olduqları uşaqları zorladıqları üçün həbs ediliblər. Mütəxəssislər platformanı “pedofilərin təhlükəsiz məkanı” adlandırır və səbəb kimi zəif uşaq qoruma mexanizmlərini göstərirlər.
Bu məlumatlar fonunda bir sıra ölkələrdə “Roblox”un bloklanması və ya sərt nəzarətə götürülməsi müzakirə olunur. Sosial şəbəkələrdə yeniyetmələr buna etiraz edir, oyunun “dəfn mərasimləri” adlı çelənclər paylaşırlar.
Ekspertlər valideynləri xəbərdar edir: “Roblox” sadə oyuncaq deyil — uşaqlar üçün sosial mühit, özünütəsdiq və emosional asılılıq məkanıdır.
