Qazaxıstanın paytaxtı Astana şəhərində yerləşən Fransa səfirliyinin qarşısında aksiya keçirilib. Bu barədə bu gün, 26 oktyabr tarixində AZfront məlumat yayıb.
Azərbaycan Diasporunun fəalları olan aksiya iştirakçıları əllərində iki il əvvəl İkinci Qarabağ müharibəsi zamanı Azərbaycanın raket atəşinə məruz qalması nəticəsində həlak olan uşaqların şəkillərini tutublar. Nümayiş olunan transparantlarda “Fransa azərbaycanlı uşaqların ölümünə etinasız yanaşır”, “Gəncədə həlak olan uşaqlarla bağlı sanksiyalar tətbiq edin” kimi yazılar qeyd olunub.
Həmçinin aksiya iştirakçıları əllərində həlak olmuş uşaqların şəkillərini və Fransa Senatına və xalqına ünvanlanan petisiyanın emblemini əks etdirən plakatlar saxlayıblar.
Sözügedən petisiya 11 oktyabr tarixində Fransanın Mesopinions.com saytında yerləşdirilib. Oktyabrın 26-sı, səsvermənin ikinci həftəsində petisiyanı imazalayanların sayı artıq 40.000-i keçib. Bu təşəbbüsü dəstəkləyənlər tək Azərbaycanda yaşayanlar yox, həmçinin İranda yaşayan azərbaycanlılardır.
Qeyd edək ki, petisiyaya dəstək aksiyasının birincisi Bakıda Fransa səfirliyinin qarşısında oktyabrın 15-i, növbəti piket isə oktyabrın 19-da Moskvada keçirilmişdir.
AZfront-dan verilən əlavə məlumata əsasən, oktyabrın sonuna kimi Azərbaycan Diasporlarının nümayəndələri daha 2-3 ölkədəki Fransa səfirliklərinin önündə bu cür aksiyalar keçirməyi planlaşdırırlar.
Petisiyanın Azərbaycan dilində imzalanma qaydası
Petisiyanın rus dilində imzalanma qaydası
Petisiyanın türk dilində imzalanma qaydası
Bu postun linkini qohumlarınız, dostlarınız və tanışlarınız arasında yayın. Birlikdə biz – qüvvəyik!
Petisiyanın daha çox yayılması üçün bu heşteqlərdən istifadə edək:
#BizAzərbaycanıq #AzərbaycanıQoruyaq
