Ötən gün Parisdə, Zəfər tağının yaxınlığında səsverməsi 15 noyabr tarixində Senatda baş tutacaq Azərbaycan əleyhinə qətnamə layihəsinə qarşı çıxan Azərbaycan diasporu nümayəndələrinin daha bir aksiyası keçirilib. Bu barədə 13 noyabr tarixində AZfront Telegram kanalı məlumat verib.
Orada toplaşan həmyerlilərimiz əllərində dövlət bayraqları və plakatlarla öz etirazlarını bildiriblər. Plakatların üzərində “Fransaya öldürülən azərbaycanlı uşaqlar maraqlı deyil”, "93 azərbaycanlı raketlərlə öldürüldü - Fransa bizi kütləvi cinayətlərdə ittiham edir!" kimi yazılar əks olunub.
Həmçinin aksiya iştirakçıları əllərində sözügedən qətnamə layihəsinə qarşı yaradılan petisiyanın emblemləri olan plakatlar tutublar.
Qeyd edək ki, 11 oktyabr tarixində yaradılmış petisiya artıq 120 mindən çox səs toplayıb.
Daha öncə 50-dən çox azərbaycanlı Fransa Senatının binası qarşısında aksiya keçirmişdir.
