Bu ilin yanvar-oktyabr aylarında Bakı Limanında 5,356 milyon ton yük aşırılıb. Bu haqda noyabrın 14-də Report xəbər yayıb.
Bu, ötən ilin eyni dövrünə nisbətən 14 % çoxdur.
O cümlədən 10 ay ərzində limanda təxminən 44 min konteyner, 41 894 təkərli texnika, 33 180 vaqon aşırılıb. Minik avtomobillərinin sayında isə 6 dəfə artım olub.
Yüklərin 90 %-dən çoxu tranzit yüklərdir. Bu yüklər, əsasən, Çindən, qismən isə Orta Asiya ölkələrindən daxil olur və Avropanın müxtəlif ölkələrinə göndərilir.
