Ermənilər azərbaycanlıların uğurunu təkrarlamaq istəyiblər və Change.org saytında özlərinə məxsus petisiya yaradıblar. Bu barədə noyabrın 11-də Azfront məlumat yayıb.
Petisiya Fransa Senatının Azərbaycana qarşı sanksiyaların tətbiqini nəzərdə tutan qətnamə layihəsini dəstəkləyir. Lakin bu təşəbbüs heç də yaxşı nəticə göstərməyib. Belə ki, 4 gün ərzində ermənilər cəmi bir min imza toplaya biliblər.
Petisiyada əks olunan məqamlar:
Müzakirəyə çıxarılması noyabrın 15-nə təyin edilən qətnamə layihəsinə Azərbaycanı “kütləvi və hərbi cinayətlər üzrə” ittiham etmək, hakimiyyəti Avropa İttifaqının Azərbaycana qarşı sanksiyalar tətbiq etməyi başlatmağa çağırış daxildir. Həmçinin sənəddə Ermənistanın Fransa tərəfindən müasir silahlandırılması tələbi yer alıb.
