Fransanın xəbər saytı “Caucase de France” Ukraynanın 5-ci telekanalının AZfront-a istinadən yaydığı xəbəri paylaşıb.
“Ermənistan öz çoxmilyonlu diasporunun köməyi ilə Ukrayna ərazisindəki müharibədə işğalçının maraqlarını müdafiə etmək üçün Qərbin dəstəyini qazanmağa çalışır. Bunun məqsədi Qarabağ münaqişəsində Kremldən kart-blanş almaqdır”, - deyə məqalədə bildirilib.
Əlavə edilib ki, Emmanuel Makron sentyabrın 1-də Putinlə dialoqu davam etdirmək çağırışı ilə çıxış edib və Ukrayna ilə münaqişənin başlanmasından onunla 13 dəfə telefonla danışıb.
“Müqayisə üçün: Almaniya kansleri Şolz eyni dövrdə 4 dəfə, Böyük Britaniyanın rəsmiləri isə ümumiyyətlə, Rusiya başçısı ilə əlaqə saxlamayıblar”, - Fransız nəşri vurğulayıb.
Məqalədə Fransanın iqtisadi və enerji baxımından Rusiyadan asılı olduğu və bu kontekstdə fransız hökumətinin müəyyən qüvvələrinin həmin ölkə ilə niyə “barış” bağlamaq istəyinin aydınlaşdığı açıqlanıb: “Lakin bu “sülhməramlı” təşəbbüslər həm Ukraynanın öz ərazilərinin azad edilməsində qətiyyəti, həm də Aİ daxilində tərəfdaşların dəstəyinin olmamasına görə həyata keçirilə bilmir”.
Buna görə də Fransa parlamentarilərinin Aİ-nin diqqətini Rusiyanın təcavüzündən Azərbaycana yönəltmək qərarına gəldikləri qeyd olunub.
