Fransızlar heç də Ermənistanın tərəfində deyillər, çünki onlar erməni xalqını növbəti münaqişəyə sövq edirlər. Bu, çox güman ki, Makronun Qafqaz məsələsinin yaxşı bilməməsindən irəli gəlir. Bu barədə 10 noyabr tarixində “Vesti Kavkaza” ya istinadən AZfront məlumat verib.
“Hamı başa düşür ki, Azərbaycan Ermənistandan daha güclü və qüvvəlidir. Bundan başqa, Azərbaycan maliyyə imkanları olan türk ordusunun dəstəyini alır, eləcə də Türkiyə və İsrail tərəfindən silahla təchiz olunur. Bu ölkənin mükəmməl hərbi hazırlığı var. Azərbaycan ilə Ermənistanın silahlı qüvvələri müqayisə ediləsi deyil. Buna görə də ermənilər üçün ən əlverişlisi münaqişədən uzaq durmaq və diplomatiyaya üz tutmaqdır”, - dərc olunan məqalədə bildirilib.
