Gəncədə arvadını qəsdən öldürməyə cəhddə təqsirləndirilən Səttar Cəlilovun barəsində cinayət işi başlanılıb. Bu barədə 11 noyabr tarixində Report məlumat verib.
Gəncə şəhərində kişi həyat yoldaşının gözlərini çıxarıb, sonra isə intihar edib.
Hadisə noyabrın 10-u saat 21 radələrində Gəncə şəhərinin Nizami rayonunda baş verib.
Məlumata əsasən, 1965-ci il təvəllüdlü Səttar Cəlilov həyat yoldaşı - 1982-ci il təvəllüdlü H.Quliyevanın qollarını bağlayıb, daha sonra hər iki gözünü bıçaqla çıxarıb. Bu əməlin ardınca o, özünün ürək nahiyəsinə bir bıçaq zərbəsi vuraraq intihar edib.
Bütün bunlar isə onların qız övladının gözü qarşısında baş verib.
Ailənin 9-cu sinifdə oxuyan oğlunun hadisədən bir neçə dəqiqə öncə atası tərəfindən dükana göndərildiyi bildirilir.
Qeyd edək ki, cütlük bir müddət küsülü olub. S.Cəlilov bir müddət öncə cərrahi əməliyyat olunduğundan qadın ona baxmaq üçün yenidən evinə qayıdıbmış.
Faktla bağlı “qəsdən adam öldürməyə cəhd” və “özünü öldürmə həddinə çatdırma” maddələri ilə cinayət işi başlanıb.
