Hollivud ulduzu, aktyor və komik Cim Kerri üçüncü dəfə ailə həyatı qurub.
İnsanoid.com xarici KİV-ə istinadən xəbər verir ki, 64 yaşlı aktyorun seçimi özündən 32 yaş kiçik rəssam Min A olub. Xəbəri Kerrinin mətbuat katibi də təsdiqləyib.
Cütlük ilk dəfə yeddi ay əvvəl "Sezar" mükafatlandırma mərasimində birgə görünüb. Həmin vaxt aktyorun xarici görünüşünün dəyişməsi şəbəkədə böyük rezonans doğurmuş və onun əvəzinə tədbirə oxşarının qatıldığı iddia edilmişdi. Lakin Kerri sentyabr ayında paylaşdığı video ilə bu şayiələrə son qoyub.
Qeyd edək ki, bu, Kerrinin üçüncü nikahıdır. Aktyorun birinci nikahından Ceyn adlı bir qızı var.
