ABŞ-də atanın ağlasığmaz səhlənkarlığı faciəyə səbəb olub: körpə uşaq günəş altında qalan qızmar avtomobildə bədbəxt hadisə nəticəsində həyatını itirib.
İnsanoid.com xarici KİV-ə istinadən xəbər verir ki, Floridada yaş yarımılıq oğlan uşağı atasının unutqanlığı ucbatından qapıları bağlı avtomobildə dünyasını dəyişib. Valideyn oğlunu artıq uşaq bağçasına qoyduğunu düşünsə də, əslində körpəni qızmar günəş altında, maşında unudub.
Günorta saatlarında uşağı götürmək üçün bağçaya qayıdan ata acı həqiqətlə qarşılaşıb və dəhşətli səhvini anlayıb. "A World of Discovery Academy" məktəbəqədər təhsil mərkəzinin direktoru Lesli Novoa avtomobilin qapısını açarkən körpənin hərəkətsiz bədənini görüb və dərhal "911" təcili yardım xidmətinə zəng edib.
Polis hadisə ilə bağlı artıq araşdırmalara başlayıb. Mərkəzin direktoru isə həyatını itirən uşağı və onun valideynlərini "çox gözəl bir ailə" kimi xarakterizə edib. "AccuWeather" agentliyinin məlumatına görə, həmin gün hava axşam saatlarında belə 34 dərəcəyə qədər yüksəlib.
Bu, 2026-cı ildə Floridada qeydə alınan artıq üçüncü analoji bədbəxt hadisədir.
