Ötən gün Manqistau vilayətində baş verən faciədən sonra azərbaycanlılar xilasedicilərə dəstək olmaq üçün əraziyə gəliblər.
İnsanoid.com xəbər verir ki, hadisə barədə xəbərləri görən soydaşlarımız hadisə yerinə yollanıblar. Onlar itkin düşmüş hərbi qulluqçuların axtarışını davam etdirən xilasedicilər üçün özləri ilə isti yemək və içkilər gətiriblər.
Xatırladaq ki, Qazaxıstan Hərbi Dəniz Qüvvələrinin Xəzər dənizində keçirdiyi təlimlər zamanı hava şəraiti kəskin pisləşib. İlkin məlumatlara görə, 19 hərbi qulluqçunu dəniz dalğaları aparıb. Onlardan 12-si həlak olub, 3-ü xilas edilib, 1 nəfər isə xəstəxanaya yerləşdirilib. Digərlərinin axtarışı davam edir.
