Yeni nəsil alkoqoldan imtina edir. İndi mağaza rəfləri spirtsiz içkilərlə dolub-daşır, gənclərin əyləncə anlayışı isə tamamilə fərqli bir məcraya yönəlir.
İnsanoid.com xəbər verir ki, Yaponiyada məhz bu nəslin damğasını vurduğu "JUCY BOOK RAVE" adlı gecə məclisləri sürətlə populyarlaşır.
Tokionun səs-küylü klublarından birində onlarla gənc DJ-in sakit musiqisi altında bir kənara çəkilib sakitcə kitab oxuyur. Ziyarətçilər sadəcə ədəbiyyatın sehrinə qərq olur və bu fərqli, dinc atmosferin dadını çıxarırlar.
