ABŞ-nin Tennessi ştatında 50 yaşlı Krista Paykın edamını icra etmək mümkün olmayıb.
İnsanoid.com xairici KİV-ə istinadən xəbər verir ki, iki ölümcül iynə vurulmasına baxmayaraq huşunu itirməyən məhkum xəstəxanaya yerləşdirilib. Vəkillər buna səbəb kimi vena tapmaqda yaranan çətinliyi və preparatın yararsızlığını göstəriblər. Uşaqlıqda cinsi zorakılığa məruz qaldığını əsas gətirən müdafiə tərəfi edamı son anda təxirə saldırmağa çalışsa da, Ali Məhkəmə bu qərarı ləğv edib.
Qeyd edək ki, Payk 1995-ci ildə 19 yaşlı sinif yoldaşı Kolin Slemmeri qətlə yetirdiyinə görə ölüm cəzasına məhkum edilib. Cinayət törədilən zaman təqsirləndirilən şəxsin 18 yaşı olub. İttiham tərəfinin iddiasına görə, Payk sevgilisinə görə Slemmerə qarşı qısqanclıq hissi keçirib. O, Slemmeri kimsəsiz bir yerə aparıb və sevgilisi ilə birlikdə ona işgəncə verərək qətlə yetirib.
Xatırladaq ki, edam baş tutarsa, Krista Payk son 200 ildə Tennessidə edam edilən ilk qadın olacaq.
