Tailandın Pattayya şəhərində 17 yaşlı Roman və onun 22 yaşlı bacısı Diana qəddar cinayətin qurbanı olublar. Onlar iyulun 26-da evdən motosikletlə çıxdıqdan və əlaqə kəsildikdən sonra itkin düşüblər. Daha sonra onların nəqliyyat vasitəsi köhnə qəbiristanlıqda sökülmüş və basdırılmış halda tapılıb.
İnsanoid.com xarici KİV-ə istinadən xəbər verir ki, iki şübhəli şəxs Kamboca sərhədi yaxınlığında qaçmağa cəhd edərkən saxlanılıb. Dindirilmə zamanı onlar motosikleti ələ keçirmək istədiklərini etiraf ediblər: Roman müqavimət göstərdiyi üçün onu güllələyiblər, Diananı isə döyərək öldürüblər. Cəsədləri isə dağlarda basdırıblar. Üçüncü şübhəli şəxs axtarışa verilib.
Yerli sakinlər polis binasının qarşısında saxlanılanlar üçün ölüm cəzası tələb ediblər, bundan sonra cinayətkarlar xüsusi təyinatlıların mühafizəsi altında məhkəməyə aparılıblar.
Tailandın Baş naziri Anuthin Çanvirakul iki rusiyalının qətlinə görə rəsmən üzr istəyib və ölkədə belə bir halın bir daha təkrarlanmayacağına söz verib. Hətta Baş nazir şəxsən Pattayyaya gələrək cinayət yerinə baş çəkib.
