Səudiyyə Ərəbistanının brend səhifələrində yeni növ məzmun modeli müşahidə olunur. Yüksək keyfiyyətli və peşəkar fotolar əvəzinə, şirkətlər uşaqların çəkdiyi selfiləri, eləcə də təsadüfi bucaqlardan mobil telefonla çəkilmiş şəkilləri dərc edirlər. Bu zaman mağaza və ya məhsul fonda sadəcə qismən görünür.
İnsanoid.com xəbər verir ki, analoji yanaşmanın bir-birindən tamamilə fərqli sektorlarda tətbiq olunması bunun təsadüfi olmadığını, yeni bir strategiyanın göstəricisi olduğunu sübut edir.
Adətən trendlər tək bir brendin təşəbbüsü ilə başlayır və daha sonra digərləri tərəfindən mənimsənilir. Mövzubəhs tendensiya isə böyük sürətlə kütləviləşib və tətbiq sahəsi genişlənməkdə davam edir.
Qeyd edək ki, bu marketinq üsuluna artıq Azərbaycanda da bəzi tanınmış brendlərin fəaliyyətində rast gəlinir. Auditoriyada birbaşa reklam təəssüratı yaratmayan bu yanaşma istehlakçılarla daha təbii və səmimi ünsiyyətin qurulmasına xidmət edir.
Siz də sosial media axınınızda bu cür paylaşımlarla qarşılaşmısınızmı?
