“Elektrik enerjisi istehsalında bərpa olunan enerji mənbələrindən istifadə haqqında” Qərara dəyişiklik edilib. Bu barədə İnsanoid bu gün, 26 dekabr tarixində xəbər verir.
Bununla bağlı Baş nazir Əli Əsədov yeni Qərar imzalayıb.
Nazirlər Kabinetinin 31 may 2021-ci il tarixli qərarına əsasən, Bakı şəhəri Qaradağ rayonunun Pirsaat qəsəbəsi ərazisində yerləşən dövlət ehtiyat fondu torpaqları kateqoriyasına aid 300,77 hektar torpaq sahəsi günəş elektrik stansiyasının tikintisi məqsədilə bərpa olunan enerji mənbələrinin ərazisi kimi müəyyən edilib.
Energetika Nazirliyinə “Bərpa olunan enerji mənbələrinin ərazisində elektrik enerjisi istehsalçısının seçilməsi Qaydası”nın tələblərinə uyğun olaraq, elektrik enerjisi istehsalçısının seçilməsi tapşırılıb.
Bu Qərarın icrasına nəzarət Nazirlər Kabineti Aparatının Aqrar və ekologiya şöbəsinə həvalə edilib.
