İranın ali lideri Ayətullah Əli Xamenei artıq 25 gündür ki, ictimaiyyət qarşısında görünmür. Bu barədə Almaniyanın “Bild” nəşrinin məlumat verir.
Bu müddət ərzində o, yalnız iki dəfə videobağlantı vasitəsilə xalqa müraciət edib və “X” platformasında mesajlar yayımlayıb. Halbuki Xamenei adətən önəmli dini mərasimləri heç vaxt buraxmırdı.
Bu vəziyyət ölkədə müxtəlif şayiələrin yayılmasına səbəb olub: bəziləri onun xəstə olduğunu, digərləri isə artıq vəfat etdiyini iddia edir. Lakin “Bild”in mənbələrinə əsasən, Xamenei hazırda bunkerdə gizlənib və bu sığınacağa İsrailin 13 iyun tarixində İrana endirdiyi zərbələrdən sonra çəkilib.
İranlı siyasi analitik Əli Fəthulla-Nəjad “Bild”ə verdiyi şərhdə bildirib ki, 12 günlük müharibə faktiki olaraq post-Xamenei dövrünün başlanğıcı olub. Onun sözlərinə görə, artıq ayətullahın varisi axtarılır və Xameneinin fiziki və psixoloji durumu ölkənin ali rəhbəri kimi vəzifəsini icra etməyə imkan vermir.
