Bakıda 15 yaşlı qız imtahana görə həyatına son qoyub. Bu haqda martın 31-də “Kriminalqafqaz” məlumat yayıb.
Hadisə dünən axşam saatlarında Yasamal rayonunda baş verib. Məktəbli qonşuluqdakı binanın doqquzuncu mərtəbəsinə çıxaraq blokun pəncərəsindən özünü atıb. O, hadisə yerində dünyasını dəyişib.
İddia edilir ki, mərhum sınaq testlərində istədiyi qədər bal toplaya bilməyib və qarşıda gözlənilən imtahanda uğur qazana bilməyəcəyini düşünüb. Şagirdin buna görə psixoloji gərginlik altında intihar etdiyi bildirilir.
Ötən il ərzində 612 nəfər intihar edib. Onlardan 438 nəfər kişi, 174 nəfər qadın, 46 nəfər isə yetkinilik yaşına çatmayanlar olub.
