Noyabr ayı ərzində Agentliyin Bakı, Göyçay və Gəncə Peşə Hazırlığı Mərkəzlərində işəgötürənlərlə əməkdaşlıq çərçivəsində 250-yə yaxın işsiz şəxs hazırlıq kurslarına cəlb olunub. Bu barədə İnsanoid Dövlət Məşğulluq Agentliyinə istinadən bu gün, 1 dekabr tarixində xəbər verir.
Təşkil olunan kurslar ərzaq və qeyri-ərzaq malları satıcısı, nəzarətçi-xəzinədar, yanacaqdoldurma stansiyalarının operatoru, ofisiant, elektrik maşın, aparat və cihazlarının sazlayıcısı, elektrik avadanlıqlarına xidmət və təmir üzrə elektrik montyoru, intensiv bağçılıq üzrə işçi, təchizat üzrə agent, proqramla idarə olunan dəzgahların operatoru, istixana operatoru, mühasib, meyvə-tərəvəz ustası, dərzi, xalçaçılıq, tikiş avadanlıqlarının operatoru, tikişçi, vizajist, manikür, pedikür, çörək ustası və aşpaz sahələrini əhatə edir.
Müdavimlərə nəzəri biliklərlə yanaşı, müvafiq sahələr üzrə təcrübə keçmək üçün də də şərait yaradılıb.
Növbəti mərhələ olaraq kursu uğurla başa vuran şəxslərin işlə təminatına dəstək göstəriləcək.
Agentlik tərəfindən hazırda 175 peşə və ixtisas üzrə kurslar təşkil edilir.
