ABŞ-nin Meyn ştatında yaşayan soydaşlarımız Dünya Azərbaycanlılarının Həmrəyliyi Günü münasibətlilə Azərbaycan gecəsi keçiriblər. Bu barədə 4 yanvar tarixində Report məlumat verib.
Keçirilən tədbirdə Meyn ştatında yaşayan Azərbaycan icmasının nümayəndələri, bir çox ölkələrdən (Əfqanıstan, Türkiyə, Albaniya, Ukrayna, Rusiya, İran, Özbəkistan, Tacikistan və Afrika ölkələri) olan icmaların təmsilçiləri və yerli ictimaiyyət nümayəndələri iştirak ediblər.
Musiqili gecədə rəqqasə Səbinə Nəcəfovanın təqdimatında Azərbaycan milli rəqsləri nümayiş etdirilib. Gecədə tanınmış skripka ifaçısı maestro Ceyhun solo proqramla çıxış edib.
Qonaqlar milli mətbəximizin təamlarından dadıb və Azərbaycan musiqisinin sədaları ilə rəqs ediblər.
[gallery link="file" size="full" ids="100265,100263,100264"]
