Abşeronda 27 yaşlı şəxs bıçaqlanıb. Bu barədə 16 noyabr tarixində Report məlumat verib.
Hadisə Abşeron rayonu, Məmmədli qəsəbəsində yerləşən “Bakı” yeni yaşayış kompleksində qeydə alınıb.
Belə ki, 1995-ci il təvəllüdlü İbrahimli Mirəli Aqil oğlunun Abşeron rayonunun Məmmədli qəsəbəsində yerləşən “Bakı” yeni yaşayış kompleksində tanımadığı şəxs tərəfindən döş qəfəsinə bıçaqla xəsarət yetirilib. O, xəstəxanaya yerləşdirilib.
1980-ci il təvəllüdlü Qasıməliyev Rəhman Rəsul oğlu şübhəli şəxs qismində tutulub.
Faktla bağlı cinayət işi başlanılıb.
