Dünya şöhrətli musiqiçi Riçard Klayderman ilk dəfə Azərbaycana gələcək. Bu barədə Report 27 dekabr tarixində məlumat verib.
“Dünyanın ən uğurlu pianoçusu” ləqəbli sənətçi martın 7-də Bakıda konsert proqramı ilə çıxış edəcək.
270 qızıl və 70 platinum mükafata sahib musiqiçi klassik və pop musiqini birləşdirərək yeni romantik üslub yaradıb. Bu günədək Klayderman 1200-dən çox musiqi əsəri yazıb və ümumi tirajı 90 milyon olan 100-dən çox kompakt-diskin sahibidir. Vaxtının böyük hissəsini konsertlər verməklə keçirən Riçardın 2006-cı ildə əsərlərinin 70 milyon satışı qeydə alınıb.
O, “Dünyanın ən uğurlu pianoçusu” kimi "Ginnesin Rekordlar Kitabı"na düşüb.
