İşğaldan azad edilmiş ərazilərdə yanvarın 5-dən 7-dək daha 9 mina aşkarlanıb. Bu barədə 9 yanvar tarixində Azərbaycan Minatəmizləmə Agentliyi məlumat verib.
Həmin müddət ərzində Tərtər, Ağdam, Xocavənd, Füzuli, Şuşa, Qubadlı, Cəbrayıl və Zəngilanda aparılan minatəmizləmə əməliyyatları zamanı piyada əleyhinə 2, tank əleyhinə isə 7 mina və 203 partlamamış hərbi sursat aşkarlanaraq zərərsizləşdirilib.
Nəticədə 195 hektar ərazi mina və partlamamış hərbi sursatlardan təmizlənib.
